Glosario
Os termos de ciberseguridade máis comúns explicados sen acrónimos imposibles nin xerga innecesaria.
EDR (Endpoint Detection and Response)
Unha ferramenta que vixía continuamente ordenadores e servidores para detectar comportamentos sospeitosos, non só virus xa coñecidos, e permite reaccionar a tempo.
Firewall (cortalumes)
Un filtro que decide que tráfico de rede pode entrar ou saír dun sistema, bloqueando o que non cumpre as súas regras.
MFA (Dobre Factor de Autenticación)
Un segundo paso de verificación ademais do contrasinal (un código, unha app, unha pegada) para que roubar unha clave non abonde para entrar nunha conta.
Phishing
Un engano, normalmente por correo ou mensaxe, que suplanta a alguén de confianza para roubar contrasinais, datos ou cartos.
Ransomware
Un programa malicioso que cifra os teus ficheiros e pide un pago (rescate) a cambio da clave para recuperalos.
SASE (Secure Access Service Edge)
Un enfoque que traslada a seguridade de rede da oficina física á nube, para protexer aos empregados traballen desde onde traballen.
WAF (Web Application Firewall)
Un filtro especializado que protexe páxinas e aplicacións web de ataques como a inxección SQL ou o roubo de sesións, analizando o tráfico HTTP en detalle.
Zero Trust (Confianza Cero)
Un principio de seguridade que non dá por segura a ningunha persoa ou dispositivo por defecto: verifica cada acceso, veña de onde veña.